Машината е опремена со вакуумска транспортна трака и посебна вакуумска пумпа, која сигурно ги фиксира и помалите парчиња за време на обработката. Преку современиот touchscreen-дисплеј операторот едноставно ги комбинира работните брзини и креира соодветни рецепти за различни материјали и производи. На овој начин, еднаш дефинираните параметри лесно се повторуваат, со конзистентен резултат при секоја следна серија.

Четирите зони работат независно и се прилагодуваат според висината, бројот на вртежи и осцилациите, овозможувајќи прецизна обработка на рамни површини, рабови, канали, рустика, декоративни детали и сложени 2D и 3D форми. Машината е идеална за брусење суров медијапан, меѓуслојно брусење на прајмер, фарбани кујнски фронтови, собни врати, декоративни елементи и компоненти од масивно дрво.

Со автоматизираниот процес се минимизира човечкиот фактор, се обезбедува еднаков квалитет на целата површина и капацитетот на брусење може да се зголеми до 10 пати. RK-1000M-PREMIUM не е само машина што го забрзува производството – таа создава стандардизиран процес, го олеснува работењето и обезбедува инвестиција што се враќа за исклучително краток период.