CNC кројачот RK-280E-PRO е наменет за брзо, прецизно и сериско кроење на иверица, медијапан, оплеменети плочи и други плочести материјали. Со должина на сечење од 2800mm или опционално 3300mm и максимална висина на обработка од 100mm, машината овозможува обработка на повеќе плочи во еден работен циклус. Автоматското позиционирање, серво-погонот и прецизниот систем со запчеста летва и линеарни лагери овозможуваат константна точност и при големи оптоварувања. Главниот мотор со моќност од 11kW обезбедува стабилно и чисто сечење, додека предрезачот спречува оштетување и кршење на декоративниот слој на материјалот. Машината е опремена со пневматски воздушни маси кои го олеснуваат движењето и позиционирањето на плочите. Пневматската преса стабилно го фиксира материјалот за време на обработката, а системот со автоматски носачи обезбедува сигурно и прецизно внесување и поместување на материјалот. Софтверот за оптимизација на кројни листи и вградениот печатач овозможуваат подобро искористување на материјалот, автоматско планирање на сечењето и лесно означување на готовите детали.
Главната конструкција е изработена од висококвалитетен челик, со густо заварување и термичка обработка. Ова ја намалува можноста за деформации и овозможува долгорочно одржување на точноста при интензивна секојдневна работа. Поместувањето на пилата е изведено со стабилен двоен водечки систем, со што се намалуваат вибрациите и се добива почиста површина на пресекот. Операторот ги внесува потребните димензии и количини преку екранот на допир, по што машината автоматски го позиционира материјалот и го извршува зададениот циклус. Софтверот за оптимизација помага да се намали отпадот и да се зголеми продуктивноста.
RADEK е синоним за квалитет, прецизност и долгорочна сигурност во индустријата. Секоја машина е произведена во согласност со највисоките индустриски стандарди, користејќи само докажани и висококвалитетни компоненти. Со посветеност на секој технички детал - од дизајн до конечно тестирање - гарантираме долг работен век и беспрекорно функционирање на машините. Досега, RADEK успешно инсталираше повеќе од 4.500 машини во Македонија и низ целиот балкански регион, поставувајќи нови стандарди за ефикасност, поддршка и доверба.