Целосно автоматизиран работен циклус

Процесот започнува со автоматско печатење и поставување етикета на секоја плоча или производствен елемент. Етикетата ги содржи сите потребни информации за понатамошната обработка, димензиите, позицијата во проектот и следната производствена операција.
Потоа плочата автоматски се транспортира во CNC единицата за бушење, каде што се изведуваат вертикални бушења од горната и долната страна, како и останати предвидени операции. Интегрираниот ATC систем овозможува автоматска промена на алати, без запирање на производниот циклус.
По завршувањето на бушењето, материјалот автоматски се пренесува во CNC нестинг центарот. Таму се изведува прецизно кроење, глодање, жлебување и дополнителна обработка според оптимизиран распоред. И нестинг единицата е опремена со автоматска промена на алати, што овозможува повеќе различни операции во рамките на еден работен циклус.
Завршените елементи автоматски се истовараат и се пренесуваат кон излезната зона, подготвени за следните фази: кантирање, сортирање или монтажа.

Инженерски конструирана за континуирано производство

Линијата е развиена како индустриско решение за компании што бараат висок капацитет, повторлива точност и стабилна работа во повеќесменско производство. Конструкцијата и клучните машински компоненти поминуваат низ повеќе контролирани производствени процеси:
• роботско заварување на носечките конструкции
• термичка обработка за ослободување на внатрешните напрегања во челикот
• пескарење и подготовка на металните површини
• прецизна обработка на рамките на портални глодалки
• контролирано склопување на автоматизираните единици
• финално тестирање, калибрација и контрола на геометријата

Овој производствен пристап обезбедува висока механичка стабилност, прецизна геометрија на машината и долгорочно задржување на точноста при интензивна експлоатација.

Висока продуктивност, без рачно поместување

Со автоматизација на транспортот и обработката се елиминира непотребното рачно подигање и преместување на плочите. Се намалува времето меѓу операциите, се избегнува неправилно позиционирање и се минимизира ризикот од оштетување на материјалот.
Во зависност од конфигурацијата, типот на обработка и производствената програма, линијата може да достигне капацитет од приближно 140 до 160 плочи во една осумчасовна смена.

Заокружување на процесот со кантирање

За целосно заокружување на процесот, производството може дополнително да се поврзе со индустриска кантерка со опција за хоризонтално бушење. По вертикалното бушење, кроење и глодање, готовите елементи продолжуваат на кантирање и изработка на хоризонталните отвори, со што се добива комплетно обработен елемент подготвен за сортирање и монтажа.